18 От ыйа 18.07
  • 17°
  • $ 88,09
  • 96,3

Быйыл "Уһук Илиҥҥэ 1000 олбуор" бырагырааманан 60-тан тахса олбуору тупсарыахтара

Фото: Андрей Сорокин, ЯСИА
Читайте нас на
Яндекс Новости
ЯДВ

Саха сирин оройуоннарыгар уонна Дьокуускайга «Уһук Илиҥҥэ 1000 олбуор» бырагырааманан 2023 сылга 60- тан тахса олбуору  тупсарыахтара, ол туһунан Айсен Николаев ГТРК Саха ханаалыгар «Быһа кэпсэтии» биэриигэ иһитиннэрдэ.

Өрөспүүбүлүкэ баһылыга олбуору тупсарыы дьон олоҕун хаачыстыбатын үрдэтэрин бэлиэтээтэ. Бырагырааманы олохтоохтор олус сөбүлээтилэр, онон салгыыр былаан баар.

Ол курдук, регион киин куоратыгар 21 олбуору, Алдан, Үөһээ Бүлүү, Бүлүү, Дьааҥы, Горнай, Ленскэй, Нам, Нерюнгри, Мэҥэ- Хаҥалас, Мииринэй, Өлүөхүмэ, Сунтаар, Таатта, Томпо, Чурапчы уонна Хаҥалас оройуоннарыгар 40 олбуору тупсарар былааннаахтар.

«Уһук Илиҥҥэ 1000 олбуор» бырайыагы полпред Юрий Трутнев этиитинэн, 2023 сылга уһатарга быһаарылынна.

Санатан эттэххэ, бу бырагырааманан, былырыын Саха сирин 37 нэһилиэгэр 124 олбуору уонна дьоҕус-пааркалары тупсарбыттара, онтон 75- һэ Дьокуускайга.

Следите за самым важным и интересным в Telegram-канале и WhatsApp-группе ЯСИА