26 От ыйа 26.07
  • 17°
  • $ 85,41
  • 93,17

Боруулаах оҕолоро «Олоҥхо алыптаах эйгэтигэр айан» диэн квест-оонньууга кытыннылар

Хаартыска: Вести Верхоянья хаһыат
Читайте нас на
Яндекс Новости
ЯДВ

Боруулаах нэҺилиэгин сынньалаҥ киинигэр олохтоох бибилэтиэкэр көҕүлээһининэн, Олоҥхо декадатын чэрчитинэн алын кылаас үөрэнээччилэригэр «Олоҥхо алыптаах эйгэтигэр айан» диэн квест-оонньуу ыытыллынна. Тэрээһин сахалыы алгыһынан, олоҥхону билиһиннэрэр тэттик ойуулугунан арылынна.

Оҕолор үс хамаанданан хайдыһан олоҥхо дойдутун устун мүччүргэннээх, соһуччу түгэннэрдээх айаҥҥа аттаннылар. Үрдүк мэҥэ халлаан урсунан кырыйа көтөн, орто дойду олуктарынан ат да сүүртүлэр, булугас өй күрэҕэр тургутууну аастылар, олоҥхо үс дойдутун кэрэтин арыйдылар. Аллараа дойду абааһыларынаан орто дойду араҥаччыта бухатыыр буолан дуолан охсуһууга кииристилэр, кэрэ куону быыһаатылар. Түмүккэ оһуохайдаан дьиэрэттилэр.

Кырачаан доҕотторбут улуу олоҥхобут киэҥ далайыттан кыракый үрүйэчээн да саҕа үтүө өйдөбүлү истэригэр иҥэриннэхтэрэ, хаппардарыгар хатаатахтара диэн сэмээр үөрүөххэ, диэн суруйда бибилэтиэкэр Жанна Слепцова, «Вести Верхоянья» хаһыат телеграм-ханаалыгар.

Следите за самым важным и интересным в Telegram-канале и WhatsApp-группе ЯСИА