29 Кулун тутар 29.03
  • -14°
  • $ 92,26
  • 99,71

Айсен Николаев: Коронавирус олоххо-дьаһахха элбэх уларытыылары киллэриэҕэ

Читайте нас на
Яндекс Новости
ЯДВ

Пандемия кэнниттэн олохпут биллэрдик уларыйыаҕа: гигиенаны тутуһууттан саҕалаан киһи коммуникациятыгар тиийэ. Ил Дархан Айсен Николаев «Регионы о главном. Коронавирус» медиабырайыагынан Дарья Кислицынаҕа кэпсээтэ диэн СИА суруйар.


«Олохпут чахчы уларыйда уонна хаһан да урукку курдук буолуо суоҕа. Гигиена боппуруоһуттан саҕалаан, урут күдээринэ сыһыаннаһар күннээҕи туттуубут-хаптыыбыт барыта. Урут уулуссаҕа мааскалаах дьону көрдөхпүтүнэ куттанар буоллахпытына, билигин ити олохпут нуормата буолла», — диэтэ Айсен Николаев.

Кини бэлиэтээбитинэн, атыы-кутуу тутула төрдүттэн уларыйыаҕа, дистанционнай атыылааһын олоххо киириэҕэ. Региоҥҥа биир миэрэнэн бизнеһи өйөөһүҥҥэ көмө буолар. Табаары тиэрдиигэ цифровой былаһааккаларга тахсыахтара.

«Бу ороскуоту аҕыйатыаҕа. Мин бу туһунан былырыыҥҥыттан толкуйдуурум, алмааһы атыылааһын ырыынага уларыйарын көрөммүн. Алмаас бизнеһыгар бу саҕаламмыта, ити эрээри салгыы атын хайысхаҕа көстө, онтон алмаас атыыта тохтоото, пандемия кэнниттэн төннүөҕэ. Киһи коммуникацията уларыйыаҕа, бу кириисис сибилигин да уларытыылары киллэрэр», — Саха сирин баһылыга эттэ.

Следите за самым важным и интересным в Telegram-канале и WhatsApp-группе ЯСИА