16 Олунньу 16.02
  • -28°
  • $ 90,31
  • 94,89

Афанасий Мунхалов хартыынатын чурапчылар хаарынан мууска уруһуйдаатылар

Хаартыска: ЯСИА саайта
Читайте нас на
Яндекс Новости
ЯДВ
Чурапчы оройуонугар энтузиастар мууска Афанасий Мунхалов «Слушают мир» хартыынатын хаарынан уруһуйдаатылар. Көҕүлээччинэн «Айылгы» норуот айымньытын дьиэтин дириэктэрэ Розалия Игнатьева буолла. Аахсыйаны Саха сирин уонна РСФСР норуодунай худуоһунньуга 90 сылыгар анаатылар.
Хаар мураал иэнэ 651 кв. м, икки күн оҥордулар. Ол туһунан ЯСИА-ҕа бырайыагы тэрийээччилэртэн биирдэстэрэ Ольга Ноева кэпсээтэ.

«Тохсунньу бүтүүтэ Чурапчыга «Мунхаловтыы ааҕыылар» буолаллар. Бу даатаҕа анаан кини саамай биллэр хартыынатын биир дойдулаахтара күөлгэ оҥордубут», — диэтэ «Айылгы» художественнай салайааччыта Ольга Ноева.

Хаартыска: Ольга Ноева
«Айылгы» худуоһунньуга Сергей Федоров уонна И.И. Кандинскай аатынан «Айыллаан» култуура киинин худуоһунньуга Ирина Васильева хартыына иэнин анал техниканан суоттаатылар уонна дьүһүйүүнү оҥордулар. Бырайыакка улуус култууратын тэрилтэлэрин үлэһиттэрэ уонна искусство оскуолатын 20 үөрэнээччитэ кытынна.

Ольга Ноева эппитинэн, мууска уруһуйдаммыт хартыына иэнэ 651 кв. м: уһуна — 21 м, кэтитэ — 31 м.

Следите за самым важным и интересным в Telegram-канале и WhatsApp-группе ЯСИА