Дьокуускай куорат 39-с №-дээх «Ромашка» уһуйааныгар «Байанай киэһэтэ» буолла. Кырачааннарга күрэхтэһии, куонкурус арааһын саха тылыгар эбии үөрэхтээһин педагога Любовь Федорова тэрийдэ.
—Оҕолор «Дьулуур», «Суолдьут», «Балыксыттар», «Булчуттар» хамаандаларга арахсан «Бэргэн ытааччы», «Бастыҥ булчут», «Бастыҥ балыксыт», о.д.а. күрэхтэһиилэргэ көхтөөхтүк кытыннылар. Таабырыннары таайдылар, кыыл-сүөл туһунан хоһооннору аахтылар, ыллаатылар, үҥкүүлээтилэр. Бу күн «Баай Байанай бэлэҕэ» диэн оҕолор оҥоһуктарынан быыстапка буолла. Маны сэргэ «Мин аҕам – булчут» диэн хаартысканан коллаж ыалдьыттар болҕомтолорун тарта , — диэн кэпсээтэ Любовь Иннокентьевна.
Түмүккэ күрэхтэһии кыттыылаахтарыгар махтал суруктар, сэмэй бириистэр туттарыллыбыттар. Любовь Иннокентьевна бэлиэтээбитинэн, бу тэрээһинтэн кырачааннар өбүгэлэрбит былыр хайдах көрүнэн-дьаһанан олорбуттарын, булт сиэрин-туомун туһунан, о.д.а. билбиттэр, кэрэхсээбиттэр. Маныаха төрөппүттэр уонна оҕо саадын кэллэктиибэ тэрээһинэргэ көмө-өйөбүл буолаллара улахан тирэх буоларын этэр.
