28 Кулун тутар 28.03
  • -11°
  • $ 92,59
  • 100,27

Владимир Модосян: Лебедевка балаһыанньаны тупсарарыгар икки ыйтан ордук кэм хаалла

10:51, 30 мая 2016
Текст:
Читайте нас на
Яндекс Новости
ЯДВ

Россия көҥүл тустууга сүүмэрдэммит хамаандатын тренерэ, аан дойду чемпиона, Россия үтүөлээх тренерэ Владимир Модосян Виктор Лебедевы эрчийбитэ хаһыс да сыла. Кини чемпионат бастакы күнүгэр дьарыктыыр спортсменын уонна Дагестантан кыттар Исмаил Мусукаев икки ардыларыгар тахсыбыт балаһыанньаны быһаарда. Итиэннэ Лебедев Олимпийскай Оонньууларга кыттар чинчитигэр сыанабыл биэрдэ. 


Владимир Модосян этэринэн, Виктор Лебедев — үрдүк таһымнаах спортсмен.

«Виктор — уопуттаах тустуук. Биллэн турар, киниэхэ хотторуу эмиэ баар этэ, ол гынан баран кини бэйэтин ыйааһыныгар — бастыҥ. Кини чемпион буоларын норуоттар икки ардыларынааҕы күрэхтэһиилэргэ дакаастаабыта. Санаан да көрдөххө, киһи сырыы аайы барытыгар кыайар кыаҕа суох, ону өйдүөххүтүн наада. Олоххо араас буолар. Лебедев Олимпиадаҕа кыттыа суоҕа диэн ким да бигэргэппэт. Хомуллуон уонна өссө күүскэ дьарыктаныан, бэлэмнэниэн наада. Ити тренер үлэтин эмиэ таарыйар: спортсмен тренердэргэ тус сыһыана уонна тренердэр киниэхэ сыһыаннара. Биллэн турар, Лебедев бэйэтин биир дойдулаахтарын үөрдүөн, дьиэтигэр саамай муҥутуур кыаҕын көрдөрүөн баҕарбыта. Мин бэйэм эмиэ итинниккэ түбэспиттээхпин. Билигин Олимпиадаҕа диэри өссө 2,5 ый баар. Онон Виктор кыһалыннаҕына барытын көннөрүөн сөп. Баар кыһалҕалары барытын бииргэ быһаарыахпыт диэн эрэнэбин», — диэтэ Владимир Модосян.

Следите за самым важным и интересным в Telegram-канале и WhatsApp-группе ЯСИА