27 Тохсунньу 27.01
  • -48°
  • $ 73,82
  • 83,32

Виктор Лебедев Польшаҕа буолар «Мемориал Циолковского» турнирга кыттыбат

16:28, 16 июня 2016
Текст:

Саха бөҕөһө Виктор Лебедев бэс ыйын 17-19 күннэригэр Польшаҕа ыытыллар норуоттар икки ардыларынааҕы «Мемориал Циолковского» турнирга киирбэтэх. Россия сүүмэрдэммит хамаандатын кыттааччыларын ааттара толору испииһэгэ wrestrus.ru саайтка тахсыбыт.


«Мемориал Циолковского» турнирга 57 кг диэри ыйааһыҥҥа дагестанец Исмаил Мусукаев киирэ сылдьарын спортивнай тустуу федерацитын wrestrus.ru. саайтан иһитинэрэллэр. Виктор Лебедев билигин Адлерга эрчиллэ сылдьар. Эрдэ саха тустууга Польша турнирын көбүөрүгэр тахсарын туһунан этэ сылдьыбыттара.

«Польшатааҕы турнирга Россия сүүмэрдэммит хамаандатын «иккис» нүөмэрдэрэ кытталлар. Оттон Виктор Лебедев хамаанда инники күөнүгэр сылдьааччыларыттан биирдэстэрэ. Ол иһин, кинини Полшаҕа ыыппатахтар. Виктор Лебедев билигин Олимпидаҕа бэлэмнэнэр. Рио-де-Жанейроҕа барар сүүмэрдэммит хамаандаҕа ким киирэрин тренердэр штабтара бүтэһиктээхтик быһаарыаҕа«, — диэн СИА-ҕа спортивнай тустуу федерациятын Саха сиринээҕи толорооччу дириэктэрэ Семен Чердонов эттэ.

Вацлав Циолковски сырдык кэриэһигэр анаммыт норуоттар икки ардыларынааҕы XXIV турнирга сахалартан Егор Понамарев 61 кг диэри ыйааһыҥҥа кыттар. Кинини кытта бу ыйааһыҥҥа Олимпийскай оонньуулар кыайыылаахтара Джамал Отарсултанов баар.

Россия сүүмэрдэммит хамаандата: Исмиал Мусукаев (57 кг диэри), Джамал Отарсултанов, Егор Понамарев (61 кг диэри); Абдулрашид Садулаев (86 кг диэри); Билял Махов, Хаджимурат Гацалов, Мухамагази Магомедов (125 кг диэри).

0
0
Тутаах тыллар
27 января 27.01
  • -48°
  • $ 73,82
  • 83,32