22 От ыйа 22.07
  • 27°
  • $ 88,02
  • 96,04

Вадим Колтовской кикбоксиҥҥа Арассыыйа түөрт төгүллээх чөмпүйүөнэ буолла

15:01, 07 сентября 2020
Текст:
Читайте нас на
Яндекс Новости
ЯДВ

Ульяновскайга ыытыллыбыт кикбоксиҥҥа Арассыыйа чемпионатыгар Саха сирин хамаандата биэс мэтээли: ол иһигэр үс боруонса, биир үрүҥ көмүс, биир көмүс мэтээли ылары ситистэ. Вадим Колтовской эрэллээхтик кыайан, кикбоксиҥҥа Арассыыйа түөрт төгүллээх чөмпүйүөнэ буолла.


Күрэххэ Арассыыйа 40 регионуттан барыта 500-тэн тахса спортсмен кыттыыны ылбыт.

67 киилэҕэ Виталий Филиппов үһүс миэстэ, 54 киилэҕэ — Аял Местников (2 миэстэ), 51 киилэҕэ – Петр Васильев, 56 киилэҕэ –  Юлия Петрова үһүс миэстэлэри ыллылар.

Вадим Колтовской 57 киилэҕэ кыайыылаах үрдүк аатын сүктэ.

«Виталий Филиппов уонна Вадим Колтовской чаҕылхай күрэхтэһиини көрдөрдүлэр. Иккиэн кэмин иннинэ кыайыыны ситистилэр. Колтовской Вадим финалга иккис рауҥҥа Санкт-Петербург тайскай буоксаҕа аан дойдуга чөмпүйүөнүн Марк Валовиһы нокаутунан кыайда. Сэтинньигэ Екатеринбурга Арассыыйа Кубога буолар, оттон ахсынньы саҕаланыыта Турция Анталия куоратыгар Европа Чемпионата. Билигин бу күрэхтэргэ барарга бэлэмнэниэхпит«, — диир кикбоксиҥҥа өрөспүүбүлүкэ сүүмэрдэммит хамаандатын кылаабынай тренерэ Андрей Алексеев.

«Пандемия буолан бэйэбит дьарыктаммыппыт. Күрэхтэһии буолара, буолбата биллибэтэ. Балтараа ый иннинэ чуолкай буоларын эппиттэрэ. Онуоха күүскэ дьарыктаммыппыт. Утарылаһааччыларым бары күүстээхтэр. Финал аҥарыгар Чечня бөҕөһүн кытары киирсиим сытыы буолта. Судьуйалар кинини өйүүллэрэ, ол эрэн кыайыыны мин ситиспитим. Инньэ гынан ахсынньыга Турцияҕа буолар Европа Чемпионатыгар путевка ыллым, билигин онно бэлэмнэниэм«, — диир Вадим Колтовской.

Следите за самым важным и интересным в Telegram-канале и WhatsApp-группе ЯСИА