29 Сэтинньи 29.11
  • -33°
  • $ 60,75
  • 63,3

Уус Алдан Саһылыкааныгар эр дьон бэйэлэрин күүстэринэн олохтоох балыыһа дьиэтин ититтилэр

Бу күннэргэ Саһылыкаан олохтоох эр дьоно күргүөмүнэн үлэлээн, бэйэлэрин күүстэринэн фельдшерскэй пууну ититтилэр. Балыыһа тымныыта олохтоохтору барыларын долгутара, ол эрээри капитальнай өрөмүөҥҥэ үп-харчы тиийбэтинэн, оҥоһуллар кыаҕа суоҕа.

Улуустааҕы кииннэммит балыыһа кылаабынай бырааһа Анна Петрова маннык үтүө санаалаах, дойдуларын туһугар ыалдьар эр дьоҥҥо муҥура суох махтанарын биллэрдэ:

– Саһылыкаан олохтоохторо баар кыһалҕаны өйдөөн, бэйэлэрин ис санааларыттан кыһаллыбыттарын, балыыһаны ититэр матырыйаалынан бүрүйэн, таһынан профлист саайан, ититиини таһынан балыыһаны тупсаҕай көрүҥнээбиттэрэ хайҕаллаах. Бу быһыы медиктэргэ эрэ буолбакка, бүттүүн олохтоохторго ананан оҥоһулуннаҕа, онон кинилэр маннык өйөбүллэригэр муҥура суох махталлаахпын.

Кини маннык сонуну бүгүн истэн долгуйбутун, ис сүрэҕиттэн үөрбүтүн туһунан этэр. Бу үлэни тэрийбит дьон үтүө бачыыма ыччаттарга тугунан да кэмнэммэт холобур буолар. Мантан олохтоохтор бука бары үөрүүлэрэ муҥура суох, кинилэр аны кыһын сылаас балыыһаҕа эмтэниэхтэрэ турдаҕа.

Источник: Мүрү Саһарҕата

Следите за самым важным и интересным в Telegram-канале и WhatsApp-группе ЯСИА
0
0