15 От ыйа 15.07
  • 17°
  • $ 87,74
  • 95,76

Устудьуоннар "Знание" уопсастыба лекторын сэҥээрэ иһиттилэр

14:53, 18 февраля 2016
Текст:
Читайте нас на
Яндекс Новости
ЯДВ

Дьокуускайдааҕы култуура уонна искусство колледжын бастакы кууруһун устудьуоннарыгар сэргэх көрсүһүү буолла. Бу туһунан СИА-ҕа колледж методиһа, пресс-сэкирэтээр Василий Бачиев иһитиннэрдэ.


Кини кэпсээбитинэн, колледж научнай-методическай отделын салайар Ирина Сосина устдьуоннар билиилэрин-көрүүлэрин хаҥатарга үгүс өрүттээх үлэни тэрийэр. Ирина Николаевна көҕүлээһининэн Россиятааҕы «Знание» уопсастыба бочуоттаах бэрэссэдээтэлэ, СӨ култууратын үтүөлээх үлэһитэ, СӨ 1 кылаастаах судаарыстыбаннай сүбэһит Василий Иванов бастакы куурус устудьуоннарын кытта көрсүбүт.

«Василий Тарасович аан дойду балаһыанньатын, олоҕун-дьаһаҕын, үлэтин-хамнаһын, дойдуга буола турар быһыыны-майгыны кэпсиирин оҕолор улаханнык сэргээтилэр. Түмүккэ, элбэх ыйытыыны биэрдилэр, санааларын үллэһиннилэр. Маннык истиҥ уонна туһалаах көрсүһүү салҕанарыгар баҕардылар», — диэтэ Василий Афанасьевич.

Ыччат маннык атах тэпсэн олорон кэпсэтиини сөбүлээбит.

Следите за самым важным и интересным в Telegram-канале и WhatsApp-группе ЯСИА