12 Атырдьах ыйа 12.08
  • 16°
  • $ 60,62
  • 62,52

Улуус сонуннарын биир ситим түмүө

13:01, 20 апреля 2021
Текст:

Амма, Нам, Таатта, Горнай, Хаҥалас улуустарыгар «Сахабэчээт» оройуоннарын хаһыаттарын электроннай ситимнэрин үөрүүлээхтик астылар. Бу туһунан Ulus.Media суруйар.


Ыйыллыбыт улуустарга кумааҕы хаһыаттары таһынан АМГАГАЗЕТА.РФ, ЭНСИЭЛИ.РФ, ТАТТА.РФ, СИЛА-ТРУДА.РФ уонна ХАНГАЛАС.РФ диэн саайтар нөҥүө улуус сонуннарын, интервьюлары, ыстатыйалары, хаартыскалары, видеорепортажтары, подкастары, анал бырайыактары ааҕыахха сөп буолуо. Инникитин улуус биллэриилэрин бэчээттиэхтэрэ.

Амма улууһун Соморсун нэһилиэгин баһылыгын солбуйааччы Надежда Белолюбская биир ситим оройуон бары нэһилиэктэрин сонуннарын, биллэриилэрин, эҕэрдэлэрин түмэрэ табыгастааҕын, биир сиргэ түмүллүбүт матырыйааллар устуоруйаҕа хаалалларын эттэ.

Таатта хаһыатын кылаабынай эрэдээктэрэ Анна Посельская: «Ситим көмөтүнэн улуус сонунун өрөспүүбүлүкэ бары дьоно ааҕар кыахтаналлара хайҕаллаах, оттон Таатта олохтоохторо атын улуустар туһунан билиэхтэрин сөп».

Сотору кэминэн атылыы саайтар атын улуустарга эмиэ үлэлэрин саҕалыахтара. Саайтары итиэннэ Ulus.Media саҥардыллыбыт сирэйин Өрөспүүбүлүкэ күнүн көрсө, муус устар 26 күнүгэр, Дьокуускайга сүрэхтиэхтэрэ.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар