Тыа хаһаайыстыбатын оҥорон таһаарааччылара 2020 сылга ылбыт чэпчэтиилээх кирэдьииттэрин уһатан төлүөхтэрин сөп буолуо. Бу туһунан РФ Бырабыыталыстыбатын от ыйын 11 күнүнээҕи 1022№-дээх уурааҕа бүгүн от ыйын 29 күнүгэр олоххо киирэрин туһунан “Парламентская газета” суруйар.
Чэпчэтии быйыл төлөнөн бүтүөхтээх кылгас кэмнээх уонна инвестиционнай кирэдьииттэргэ сыһыаннаах. Кылгас болдьохтоох кирэдьиити биир сылга уһатыахха уонна бырыһыанын төлөбүрүн эмиэ итиччэ болдьоххо көһөрөн төлүөххэ сөп буолла. Оттон инвестиционнай кирэдьииттэри ылааччылар 2020 сылга төлөбүрдэрин сүрүн иэһин, бырыһыанын уһатан төлүөхтэрин сөп.
