Тыа хаһаайыстыбатын табаарын оҥорон таһаарааччылар съездтарын иккис күнэ. Бүгүн пленарнай мунньах. Ил Дархан Айсен Николаев кыттара былааннанар, иһитиннэрдэ тэрийээччи биэдэмистибэ пресс-сулууспата.
Оттон бэҕэһээ биир дьаһалынан Саха сиригэр тыа сирин ыччатын Россиятааҕы сэбиэтин салаатын (РССМ) тэрийии туһунан мунньах буолла. Ыччат көхтөөхтүк кыттар регионнарыгар экономикаҕа, ол иһигэр аграрнай секторга, үрдүк көрдөрүү баар диэтилэр. Кэпсэтии бу тула барда.
Түмүккэ АГАТУ устудьуоннара, эдэр фермердар, тыа сирин үлэһиттэрин быһаарыыта таҕыста — РССМ салаатаөрөспүүбүлүкэҕэ тэриллэр буолла. Бэрэссэдээтэлинэн АГАТУ аспирана Василий Домотов талылынна. Сэбиэккэ 15 киһи киирдэ. Аудиторынан тыа хаһаайыстыбатын министиэристибэтин бэрэстэбиитэлэ Туйара Карамзина ааттанна.
