29 Кулун тутар 29.03
  • -10°
  • $ 92,26
  • 99,71

Тустууктар Эдуард Григорьев, Арыйаан Тютрин уонна Ньургун Скрябин Бурятияҕа ыытыллыбыт турнир призердарынан буоллулар

15:00, 12 марта 2018
Текст:
Читайте нас на
Яндекс Новости
ЯДВ

Бурятия баһылыгын бирииһигэр көҥүл тустууга норуоттар икки ардыларынааҕы турнирга Саха сирин спортсменнара үс мэтээлгэ тигистилэр. Кинилэр биир үрүҥ көмүс уонна икки боруонса мэтээли ыллылар.


Саха сирин сүүмэрдэммит хамаандатын састаабыгар 14 тустуук турнирга кытта барбыта: Арыйаан Тютрин, Алексей уонна Петр Копыловтар, Дмитрий Аксенов (57 киилэ), Вячеслав Ефремов, Айхаан Антонов, Петр Павлов (61 киилэ), Виктор Рассадин, Дьулустаан Булатов, Эдуард Григорьев (65 киилэ), Герман Устинов, Тимур Николаев, Константин Власов, Иван Барашков (70 киилэ) уонна Ньургун Скрябин (61 киилэҕэ диэри) Белоруссия састаабыгар.

Бастакы күн Саха сирин олохтоохторо икки мэтээли ылбыттара. Коркин турнирын икки төгүллээх финалиһа Эдуард Григорьев кэккэ кыайыылары ситиһэн финалга тахсан, Россия чемпионатын призеругар Баяр Цыреновка баһыйтарда уонна үрүҥ көмүкэ тигистэ.

Дойду призера Арыйаан Тютрин аҕыйах ахсаанынан чиэппэр финалга монгол Эрденебат Бехбаярга сабырыйтарда, ол эрээри үһүс миэстэ иһин тувинец Белек-оол Кужугеты утары кииристэ уонна боруонсаны ылар чиэскэ тигистэ. Маннык наҕарааданы Дьулустаан Булатов ылыан сөптөөҕө да, Монголияттан сылдьар утарылаһааччыта күүстээх буолан биэрдэ (3:5).

Иккис күҥҥэ турнирга үһүс миэстэлэнэн Ньургун Скрябин чорбойдо. Бастакы хапсыһыыга кини олохтоох Бурятия сүүмэрдэммит хамаандатын бастыҥ бөҕөһө Александр Богомоевы кытта киирсэн, 1:5 баһыйтарда. Оттон үһүс миэстэ иһин хапсыһыыга Саха сирин легионера 20:8 ахсаанынан олохтоох Юлиан Гергеновы кыайда.

Следите за самым важным и интересным в Telegram-канале и WhatsApp-группе ЯСИА
Тутаах тыллар