Таатта улууһугар ытыалаһыы буолла. Биир киһи өллө. Өссө биир бааһырбыт киһини балыыһаҕа аҕаллылар.
Социальнай ситимнэргэ Таатта улууһугар киһи өлүүлээх ытыалаһыы буолбутун туһунан сурах тарҕанна. Улуус баһылыга Айаал Бурцев ЯСИА-ҕа эппитинэн, быһылаан Баайаҕа нэһилиэгиттэн 60 км сиргэ таҕыста. Биир киһи өллө, биир балыыһаҕа киирдэ.
Соцситимҥэ сахалыы тылынан тарҕаммыт ыҥырыыга ойуурга кутталлаах рецидивистан сэрэхтээх буоларга этиллэр. Саҥарар киһи этэринэн, эр киһи саалаах, атынан сылдьар.
«Инцидент Баайаҕаттан 60 км тэйиччи сиргэ таҕыста, быһа барыллаан, сарсыарда 5 чааска буолла. Биир киһи өлбүт, биир киһи балыыһаҕа киллэриллибит. Бааһырбыт киһини санрейсынан Дьокуускайга илдьиэхтэрин сөп. Буруйдаах тутулла илик, көрдүүллэр», — диэтэ ЯСИА-ҕа Таатта улууһан баһылыга Айаал Бурцев.
Быраабы араҥаччылыыр уоргаттар дааннайдарынан, миэстэтигэр силиэдэбэтэллэр үлэлииллэр.
