23 От ыйа 23.07
  • 21°
  • $ 87,78
  • 95,76

Суруйааччылар сойуустарын бэрэссэдээтэлэ талылынна

18:17, 09 декабря 2016
Текст:
Читайте нас на
Яндекс Новости
ЯДВ

Ахсынньы 7 күнүгэр Саха Өрөспүүбүлүкэтин Суруйааччыларын сойууһун VI cъеһэ ыытылынна.  104 айар чилиэннээх сойууска быйылгы съезкэ 76 чилиэн кэлэн регистрацияламмытынан, кворум таҕыста.


Өксөкүлээх Өлөксөй аатынан Норуоттар доҕордоһууларын дьиэтигэр ыытыллыбыт съезкэ РФ Суруйааччыларын сойуустарын аан дойдутааҕы уопсастыбатын бэрэссэдээтэлэ Иван Переверзин, Арассыыйа суруйааччыларын сойууһун Москва к. тэрилтэтин бэрэссэдээтэлэ Владимир Бояринов, Арассыыйа суруйааччыларын сойууһун Москва уобалаһынааҕы тэрилтэтин бэрэссэдээтэлэ Лев Котюков, Саха сирин норуодунай суруйааччылара Наталья Харлампьева, Николай Лугинов, Андрей Кривошапкин, Семен Попов-Тумат эҕэрдэлэрэ ааҕылынна. Ону тэҥэ ыҥырыылаах ыалдьыттар истиҥ тылларын тириэртилэр.

Съезд биэс сыллаах үлэтин Саха Өрөспүүбүлүкэтин Суруйааччыларын сойууһун бэрэссэдээтэлэ Иван Мигалкин билиһиннэрдэ. Литэрэтиирэ билиҥҥи туругун туһунан интэриэһинэй дакылааттары В.Окорокова, С. Ноева, М.Попова, А.Амбросьев уо.д.а. оҥордулар.

Түмүккэ айар сойуус бэрэссэдээтэлин уонна ситэриилэх сэбиэт, ревизиялыыр хамыыһыйа чилиэннэрин таллылар. Бэрэссэдээтэлгэ кандидаттар Иван Мигалкин уонна Наталья Михалева-Сайа инники үлэлэрин бырагырааматын билиһиннэрдилэр. Съезд кыттыылаахтарын санааларын үллэһиннилэр, этиилэрин киллэрдилэр. Түмүккэ, Наталья Михалева бэйэтин кандидатуратын уһулан, куоластааһын түмүгүнэн СӨ норуодунай бэйиэтэ Иван Мигалкин бэрэссэдээтэлинэн талылынна. Съезд туһунан сиһилии «Саха сирэ» хаһыат 12.12.16 нүөмэригэр ааҕыҥ.

Следите за самым важным и интересным в Telegram-канале и WhatsApp-группе ЯСИА