21 От ыйа 21.07
  • 28°
  • $ 88,02
  • 96,04

Саха сиригэр орто анал үөрэх Киинэ тэриллиэ

12:01, 17 сентября 2020
Текст:
Читайте нас на
Яндекс Новости
ЯДВ

Саха сиригэр кииннээн аныгы ирдэбилгэ эппиэттиир орто анал үөрэх регионнар ыккардыларынааҕы үөрэх тэрилтэтэ — суперкампус тэриллэрэ былааннанар. Бу туһунан Ил Дархан бэҕэһээ сүбэ мунньах ыытта.


Суперкампус Дьокуускайга баар 10 орто анал үөрэх тэрилтэтин биир сиргэ түмүө. Үөрэтэр-производственнай кластердартан туруо. Кампуска инновационнай тэрилтэлэр, биисинэс тутуллар, айымньы кластердара, үлэ биэрээччилэр ассоциациялара киириэхтэрэ.

Үөрэх тэрилтэтэ сүрүн үөрэнэр дьиэлээх, устудьуоннар олорор уопсайдаах, производственнай уонна үөрэтэр-лабораторнай баазалаах, устудьуоннар сынньаналларыгар тутуулардаах буолуо.

Ил Дархан тутуу ураты буолуон, тэрилтэ профессиональнай үөрэхтээһин эрэ буолбакка, бүтүн өрөспүүбүлүкэ сайдыытыгар төһүү күүс буолуон эттэ.

Сонун бырайыагы РФ үөрэххэ министиэристибэтэ, стратегическай көҕүлээһиннэр ааҕыныстыбалара, «Ворлдскиллс Сервисес» ХЭТ, «Молодые профессионалы» (WorldSkills Russia) союз оҥорбут. Билигин СӨ инвестицияны тардар ааҕыныстыбата, экэниэмикэ, үөрэх министиэристибэлэрэ бырайыагы олоххо киллэриини толкуйдууллар.

Следите за самым важным и интересным в Telegram-канале и WhatsApp-группе ЯСИА
Тутаах тыллар