Дьокуускайга Олег Газманов «Вперёд, Россия!» ырыатыгар клип усталлар. Өрөспүүбүлүкэтээҕи ыччат бырабыыталыстыбатын чилиэннэрэ этэллэринэн, тэрээһин Саха сирин күнүгэр уонна норуоттар доҕордоһууларыгар ананар.
Патриот санаалаах эдэр дьон көҕүлээһиннэрин Олег Газманов өйөөтө. Норуот артыыһа билигин клип видеотун уста сылдьар, ону таһынан Саха сирин олохтоохторугар анал этии бэлэмниир.
Клибы Роман Пестерев студията устар, манна «Тетрис» ансамбль (салайааччы Татьяна Савочкина) уонна оҕо, ыччат тэрилтэлэрэ: тутар этэрээт, Эдэр гвардия, оҕо биир кэлим хамсааһына уо.д. а кытталлар.
Былаан быһыытынан клибы муус устар 27 күнүгэр көрдөрүөхтэрэ.
