23 От ыйа 23.07
  • 28°
  • $ 87,78
  • 95,76

Правительство бэрэссэдээтэлэ Галина Данчикова Герой Охлопков төрөөбүт дойдутугар сырытта

Читайте нас на
Яндекс Новости
ЯДВ

Ыам ыйын 11 күнүгэр Саха сирин Правительствотын бэрэссэдээтэлэ Галина Данчикова Алдан өрүс мууһа Томпо улууһун сиринэн устар туругун көрө вертолетунан кэлэ сырытта. Уу таһыма кутталаах кирбииттэн намыһах, нэһилиэнньэлээх пууннарга ууга барыы суоһаабат.


Правительство бэрэссэдээтэлин кытта бэрэссэдээтэли 1-кы солб. Виктор Омуков, Росводоресурсы Ленскэй бассейнын салаатын салайааччыта Иннокентий Андросов, ЫБМ СР территроиальнай уорганын салйааччытын солб. Аркадий Саввинов, Гидрометцентр начальнига Александр Аржаков, СР нэһилиэнньэҕэ куттал суох буолуутун хааччыйар госкомитет бэрэссэдээтэлин 1-кы солб. Дмитрий Лепчиков, СР Ууга сыһыаннаһыыларга департаменын салайааччыта Гаврил Слободчиков, Ил Түмэн Томпо-Таатта уокуругуттан дьокутаата Дмитрий Саввин, Томпо улууһун баһылыга Георгий Герасимов сырыттылар.

ГИМС үлэһиттэрэ нэһилиэнньэҕэ муус барар кэмигэр сэрэхтээх буоларга быһаарар үлэни ыыппыттара. ЫБМ Томпотооҕу звенота көмөҕө барарга бэлэм. Барыта 203 киһи, 39 техника араас көрүҥэ бэлэмнэммитэ.

2000, 2001 сылларга улуус сорох нэһилиэнньэлээх пууннара ууга улаханнык бара сылдьыбыт буолан сэрэхэдийэн уонна ирдэбил быһыытынан улууска Хаандыга, Дьабарыкы Хайа бөһүөлэктэригэр, Кириэс Халдьаайы, Мэҥэ Алдан, Кэскил, Сайдыы сэлиэнньэлэригэр 1420 киһи быстах кэмҥэ түһэн олорор 11 пууннарын бэлэмнээбиттэрэ. Сүөһүнү үрдүк сирдэргэ үүрэргэ былааннаабыттара.

Галина Данчикова Кириэс Халдьаайыга аан бастаан сырытта. Бөлөх дьоно Советскай Союз Геройа Федор Охлопков көмүллүбүт мемориалыгар сырыттылар. Сэлиэнньэ дьоно алаас ортотугар туттан олорор уһаайбалара кэннэки сылларга ууга барар. Быйыл 28 ыал олбуора ууга турар. Уу гаражтарга, хотоннорго киирбит, дьиэлэр кирилиэстэригэр тиийэн турар. Ууну ыытарга 2 км уһуннаах хоруу хаһар ордук. Бырайыак оҥоһуллара ирдэниллэр.

Галина Иннокентьевна нэһилиэккэ элбэх тутуу (оскуола, уһуйаан, хочуолунай, үүт собуота, тыа хаһаайыстыбатын программатынан элбэх олорор дьиэ уо.д.а.) ыытыллыбытын көрдө. Кини оскуолаҕа нэһилиэк активын кытта көрүстэ.

Следите за самым важным и интересным в Telegram-канале и WhatsApp-группе ЯСИА