Оптуорунньуктан Саха сирин арҕаа уонна киин оройуоннарыгар тоҥорор циклон кэлэн, ардахтыаҕа уонна инчэҕэй хаардыаҕа. Күн- дьыл туһунан өрөспүүбүлүкэ күнү-дьылы кэтээн көрөр сулууспатын начальнига Татьяна Маршалик кэпсээтэ.
«Өрөспүүбүлүкэ арҕаа өттүгэр циклон кэлиэҕэ, онон оптуорунньук күнүс Мииринэй оройуонугар уонна Бүлүү бөлөххө кыралаан ардахтыаҕа, сорох сиринэн инчэҕэй хаардыаҕа, температура -2 +3 кыраадыска диэри намтыаҕа. Балаҕан ыйын 6 түүн температура 0 -5 кыраадыска диэри түһүөҕэ, күнүһүн +7 +12 кыраадыс туруоҕа», — диэн Татьяна Маршалик иһитиннэрдэ.
Кэлэр сууккаҕа киин уонна соҕуруу оройуоннарга үчүгэй күн-дьыл туруоҕа. Түүҥҥү температура 0+5 кыраадыс буолуоҕа, күнүһүн +13+18 кыраадыска диэри сылыйыаҕа.
