Саха сирин сорох улуустарыгар ахсынньы 31 күнүттэн тохсунньу 1 күнэ буолар түүнүгэр кыратык сылыйыан сөп. Бу Камчаткаттан Чукотканан хотуттан кэлэр сылаас салгын дьайыыта буолар, суруйда ЯСИА.
Саха сиринээҕи УГМС салайааччытын солбуйааччы — Гидрометкиин салайааччыта Татьяна Маршалик эппитинэн, нэдиэлэ бүтүөр диэри үгүс оройуоттарга намыһах температура турар, саамай тымныы күн — бээтинсэ.
Ахсынньы 29 күнүн түүн киин улуустарга -45… -47 кыраадыс, илин эҥэрдэргэ 50 кыраадыс тымныылар түһүөхтэрэ.
Саамай тымныы өрөспүүбүлүкэ хотугулуу-илин өттүгэр: Өймөкөөн уонна Томпо оройуоннарыгар, -53… -58 кыраадыска тиийиэҕэ.
Тохсунньуга температура нуорматтан үрдүк буолуоҕа. Бастакы күннэр тымныылар: түүнүн -46, күнүһүн — 40 кыраадыс.
Дьокуускайга кэлэр сууккаҕа кыратык хаардыаҕа, түүнүн, сарсыарда туманырыаҕа, тыал хотугулуу-илинтэн 1-5 с/м. Салгын температурата түүнүн -37-39, күнүс -34-36.
