Өлөөн оройуонун үрдүнэн ааһан иһэр циклон Красноярскай кыраайтан сылаас салгын маассатын аҕалла. Саха сирин сорох оройуоннарыгар -3 кыраадыска диэри сылыйыаҕа. Бу туһунан СИА-ҕа Саха сиринээҕи күнү-дьылы кэтээн көрөр сулууспа начальнига Саргылана Никитина иһитиннэрдэ.
«Хаардаах сылаас өрөбүллэр кэннилэриттэн бүгүн киин оройуоннарга -29°с -32 ° кыраадыска тиийэ тымныйда. Өлөөн оройуонугар сылдьар циклон өрөспүүбүлүкэ арҕаа өттүгэр -3-12 кыраадыс турарын хааччыйда.
Чугастааҕы сууккаҕа циклон мөлтөөн баран өрөспүүбүлүкэ соҕуруулуу-илиҥҥи оройуоннарынан ааһыаҕа, онон онно түүнүн-22 илин-27, күнүһүн 10-15° кыраадыс турара күүтүллэр.
Нэдиэлэ устата салгын баһыйар температурата -15° -20°, дьэҥкир күҥҥэ -28°, арҕаа диэки -8°-13°, күнүһүн -10 ° -15 ° кырааадыс буолуоҕа.
Сарсын, сэтинньи 15 күнүгэр Дьокуускайга -15° кыраадыс буолуоҕа, хотугулуу-илинтэн тыаллаах.
