19 От ыйа 19.07
  • 18°
  • $ 87,88
  • 96,1

Мындаабатааҕы дьыссаат уолаттара Мүрү эбэҕэ балыктаатылар

16:33, 19 ноября 2018
Текст:
Читайте нас на
Яндекс Новости
ЯДВ

Уус Алдан улууһугар Мындааба бөһүөлэгэр «Кэнчээри» оҕо саада үлэлиир. «Кустук» бэлэмнэнии бөлөҕүн оҕолоро быйыл муҥхаҕа сырыттылар. Оҕо саастан төрүт идэҕэ уһуйуллаллар.


Мындаабатааҕы «Кэнчээри» оҕо саадын бэлэмнэнии бөлөҕөр 15 оҕо баарыттан 10-на уол. Иитээччилэр, төрөппүттэр сүбэлэһэн баран, эр киһини иитии үгэһигэр оҕолорун уһуйаллар. Уолаттары ох курдук оҥорон Мүрү эбэҕэ киллэрдилэр.

Байанай кырачаан булчуттары үөрэ көрсөн, көмүс хатырыктааҕынан күндүлээтэ. Уолаттар бастакы бултарын ол киэһэ тута күөстээн, төрөппүттэр, оҕолор сүргэлэрэ көтөҕүлүннэ. «Бастакы булт» минньигэс амтана өргө диэри умнуллуо суоҕа.

Ааптар: Екатерина Захарова

Следите за самым важным и интересным в Telegram-канале и WhatsApp-группе ЯСИА