Муома улууһугар РФ Президенин быыбарыгар эрдэтээҥи куоластааһын ыытыллар.
Муома улууһун быыбардыыр хамыыһыйатын чилиэннэрэ үс күн устата салгын тырааныспарынан Сааһыыр уонна Буор Сыһыы сэлиэнньэлэрин тайҕаҕа баар таба биригээдэлэригэр уонна аҕа ууһун общиналарыгар көтүүнү оҥордулар.
Уопсайа 38 быыбардааччыны хабан, 9 сиргэ сырыттылар. Маны сэргэ учаастактааҕы быыбар хамыыһыйатын чилиэннэрэ 17 быыбардааччыны үс сиргэ сылдьан куоластаттылар.
