18 Ыам ыйа 18.05
  • -7°
  • $ 104,68
  • 115,6

Муома табаһыттара РФ Конституциятыгар көннөрүүлэри киллэриигэ куоластарын биэрэллэр

16:17, 19 июня 2020
Текст:

От ыйын 1 күнүгэр дойду үрдүнэн ыытыллар РФ Конституциятыгар көннөрүүлэри киллэриигэ ыраах учаастактарынан болдьоҕун иннинэ куоластааһын салҕанар. Бэс ыйын 19 күнүгэр Муоматааҕы быыбардыыр хамыыһыйа Индигирдээҕи учаастага бөртөлүөтүнэн ыраах ыстаадаларга бара сырытта.


Муоматааҕы быыбардыыр хамыыһыйа бэрэссэдээтэлин солбуйааччы Хадаров Андрей Михайлович:

Эрдэттэн болдьоммут күҥҥэ ыраах сытар ыстаадаларга баран куоластааһыны тэрийдибит. Быыбар бары ирдэниллэр усулуобуйаҕа олоҕуран тэрээһиннээхтик ыытылынна. Табаһыттар аналлаах балааккаҕа киирэн куоластаатылар. Биһигини кытта кэтээн көрөөччү, олохтоох участковай, хаһыат үлэһитэ барса сырыттылар.

Табаһыттар бэйэлэрин куоластыыр бырааптарын толору туһаннылар. «Бэркичэх» ыстаадатыгар сэттэ киһи, «Чыбааҕылаах» ыстаадатыгар биэс киһи куоластарын биэрдилэр. Үс киһи докумуона суох буолан кыайан куоластаабата».

Куоластааһын өссө уонча ыстаадаҕа салҕанан барар.

 

Следите за самым важным и интересным в Telegram-канале и WhatsApp-группе ЯСИА
0
0