28 Кулун тутар 28.03
  • -11°
  • $ 92,59
  • 100,27

Мэҥэ Хаҥаласка көмүс күһүн дьаарбаҥката буолла

15:03, 20 сентября 2016
Читайте нас на
Яндекс Новости
ЯДВ

Мэҥэ Хаҥалас улууһугар инбэлииттэр тэрилтэлэригэр быыстапка-дьаарбаҥка ыытылынна. «Көмүс күһүн бэлэхтэрэ» быыстапкаҕа үс нэһилиэктэн кытыннылар.


«Аптаах ыскаатар» куонкуруска остуол киэргэтиитин, соҕотуопкаламмыт уонна кэнсиэрбэлэммит ас арааһын сыаналаатылар. Уһун дьүүл кэнниттэн бастакы миэстэни – Аллараа Бэстээх б., иккиһи – Бөкө с., үсүһү Табаҕа с. хамаандалара ыллылар.

«Дьикти карвинг-бүлүүдэ» номинацияҕа айылҕа матырыйаалын туһаныыны уонна ону дьэрэкээнник тупсаран оҥорууну көрдүлэр. Түмүккэ Сардана Федорова, Марфа Пугачева, Любовь Петрова уонна Зинаида Иванова кыайдылар.

«Оҕуруот аһын дьиктилэригэр» чаҕылхай көстүүлэри Марфа Пугачева көрдөрдө. Кини оҕуруотугар үүннэрбит моркуоба уонна хортуоппуйа араас кыылларга маарынныылларын сөхтүлэр-махтайдылар.

Онтон Анастасия Колодейчук оҕуруотугар үүннэрбит кабачогунан сөхтөрөн, «Саамай улахан оҕуруот аһа» номинация бириистээх миэстэтин ылла. Кини оҕуруотуттан сыл аайы 500-тэн тахса бааҥка кэнсиэрбэни оҥорор, кэтэх хаһаайыстыбатыгар куруолуктары, ыттары, куоскалары иитэр.

«Көмүс күһүн бэлэхтэрэ» быыстапка-дьаарбаҥка хамаандаларыгар барыларыгар көхтөөх кыттыыларын иһин сертификаттары уонна тортары туттардылар. Онтон кыайыылаахтар өйдөбүнньүк бэлэхтэринэн наҕараадаланнылар.

Инбэлииттэр уопсастыбаннай тэрилтэлэрэ быыстапканы тэрийэн ыыппыт И.М.Сосин аатынан киин библиотека кэлэктиибигэр кинилэри куруук өйүүллэрин уонна хардарыта бииргэ үлэлииллэрин иһин махтаннылар.

Следите за самым важным и интересным в Telegram-канале и WhatsApp-группе ЯСИА