Саха сирин бырабыыталыстыбатын иһинэн үлэлиир Булка уонна булт хаһаайыстыбатыгар Сэбиэт коронавируһунан миэрэлэр ылыллыбатах сирдэригэр сааскы булду арыйар туһунан этии оҥордо. Ол туһунан баһылык уонна бырабыыталыстыба дьаһалтатын салайааччыта Афанасий Владимиров «Саха» ханаалга быһа эфир кэмигэр эттэ диэн, СИА суруйар.
«Соторутааҕыта экология министиэристибэтигэр Сэбиэт мунньаҕа буолла. Сыстыганнаах дьаҥ тарҕамматах, харантыын биллэриллибэтэх, хааччахтааһыннар ылыллыбатах сирдэригэр сааскы булду арыйар туһунан сүбэлэстилэр. Ити эрээри түмүктүүр быһаарыыны Ил Дархан Айсен Николаев ылар», — диэтэ Афанасий Владимиров.
«Сааскы булду тохтотуу туһунан кэпсэтии баар. Сорох арҕаа регионнарга бобулунна. Өрөспүүбүлүкэҕэ балаһыанньа уустугурар түбэлтэтигэр, биһиги эмиэ итинник хардыыны оҥорорго күһэллэбит. Ол буолбатын туһугар наһаа эрэнэбин», — диэн Ил Дархан социальнай ситимнэринэн быһа эфиргэ этэн турар.
