13 От ыйа 13.07
  • 23°
  • $ 87,74
  • 95,76

Кикбоксинтан - ытыыга: Нерюнгри бэлэмнэнэр

09:59, 15 февраля 2016
Текст:
Читайте нас на
Яндекс Новости
ЯДВ

Ый саҕаланыыта Анатолий Ланцов (КБЕ «Тайфун») салайыытынан нерюнгрилар Дьокуускай куоракка аан дойду чемпиона Александр Иванов сырдык кэриэһигэр ыытыллыбыт кикбоксин күрэхтэһиитигэр кыттыбыттара.


Сотору кэминэн аны доруобуйаларынан хааччахтаах дьон пневматиканан ытыыга Саха Өрөспүүбүлүкэтин чемпионатыгар кыттаары билигин бэлэмнэнии үгэнигэр сылдьаллар.

Оттон Нерюнгрига СӨ боксаҕа федерацията ыччаттарга аан дойду чемпиона Сергей Исмаилов сырдык кэриэһигэр Бүтүн Россиятааҕы күрэхтэһиини ыытта.

Сотору кэминэн идэтийбит уонна сөбүлээн дьарыктанар спортсменнары өссө күүрүүлээх тэрээһиннэр күүтэллэр: художественнай гимнастикаҕа аһаҕас турнир, хайыһарга уонна сноубордиҥҥа инники күөнү былдьаһыы.

Нерюнгрига физкультура уонна спорт сайдыытыгар болҕомто ууран, элбэх спортивнай күрэхтэһиилэр ыытыллаллара, дьону чөл олоххо көҕүлүүллэр. Маны сэргэ олохтоох спортсменнарга өйөбүл оҥоһуллар.

Следите за самым важным и интересным в Telegram-канале и WhatsApp-группе ЯСИА