Онно ыччаттар 2016 сыллааҕы үлэлэрин былааннаан, караокеҕа күрэхтэһэн, оонньоон-көрүлээн тарҕаспыттара. Быйыл 11 ыччаппыт улууска ыытыллыбыт Ыччат баалыгар көхтөөхтүк кытынна.
Дьокуускайдааҕы култуура колледжын 3 кууруһун студенката Трофимова Мотрена биһиги кулууппутугар практикатын бара сылдьар. Оскуола оҕолоругар артыыс идэтигэр уһуйар куруһуок тэрийэн үлэлэтэр. Ыччаттарбыт эдэр эрчимнээх практиканка кыыс көҕүлээһининэн тохсунньу 29 күнүгэр театрализованнай көрдөрүү туруораары сүүрэ-көтө сылдьаллар.
