18 Ыам ыйа 18.05
  • -7°
  • $ 104,68
  • 115,6

Ил Дархан өрөспүүбүлүкэ сиригэр-уотугар муҥутуур бэлэмнээх буолуу эрэһиимин биллэрдэ

«Өрөспүүбүлүкэ сиригэр-уотугар коронавирус инфекцията тарҕанар куттала баарынан, нэһилиэнньэни харыстыыр туһунан федеральнайдааҕы сокуоҥҥа олоҕуран, бүгүҥҥүттэн муҥутуур бэлэмнээх буолуу эрэһиимин киллэрэр туһунан быһаары ылынным», — диэтэ Ил Дархан Айсен Николаев кулун тутар 17 күнүгэр буолбут мунньахха. Бу туһунан СИА-ҕа тустаах пресс-сулууспа иһитиннэрэр.  


Ыйаахха бүгүн илии баттаныаҕа. Докумуоҥҥа олоҕуран, 2020 сыл муус устар 10 күнүгэр диэри өрөспүүбүлүкэҕэ 50-тан элбэх киһи мустар спортивнай, аралдьытар уонна аһаҕас тэрээһиннэр буолуулара бобуллар. 

Коронавирус инфекцията тарҕаммыт сиригэр сылдьыбыт дьону кытта үлэ күүскэ барыаҕа. Дьон бэйэтэ кыраныысса таһыттан, ханнык дойдуттан хаһан кэлбитин туһунан «быһа линиянан» 8-800-100-14-03 биллэрэллэригэр этиллэр. Бу ыарыыны тарҕаппат наадаттан оҥоһуллара этилиннэ. 

Оһуобай эрэсиимҥэ доруобуйа харыстабылын министиэристибэтэ уонна өрөспүүбүлүкэ медицинатын тэрилтэлэрэ көстүлэр. Муниципалитеттар уонна судаарыстыбаннай былаас уоргаттара эрдэттэн сэрэтэр үлэҕэ биир сүрүннээһини хааччыйалларыгар сорудахтанна. 

Сиһилии https://ysia.ru/glava-yakutii-soobshhil-ob-obyavlenii-na-territorii-respubliki-rezhima-povyshennoj-gotovnosti/

Следите за самым важным и интересным в Telegram-канале и WhatsApp-группе ЯСИА
0
0