«Мобильный хирургический центр» ураты бырайыак Саха сиригэр стартаата. Медицина үлэһиттэрин биригээдэтэ оройуон балыыһаларыгар тиийэн, кинилэр баазаларыгар анал хирургическай көмөнү оҥоруохтара.
Ол туһунан бэйэтин телеграм-ханаалыгар Ил Дархан Айсен Николаев суруйда.
Регион баһылыга чуолкайдаабытынан, биригээдэ састааба оройуоттар этиилэрин учуоттаан тэриллиэҕэ. Бастакы дьаһал Нерюнгри оройуонугар былааннанар.
«Бу бырайыак Саха сирин олохтоохторо үрдүк технологичнай медицина көмөтүн миэстэтигэр ылалларыгар туһалыаҕа. Дьон доруобуйата — биһиги кылаабынай приоритетпыт», — диэтэ Айсен Николаев.
