13 Бэс ыйа 13.06
  • 18°
  • $ 89,02
  • 95,74

Олох орто уһуна Арассыыйа көрдөрүүтүн куоһарда

Хаартыска: Саха сирэ саайт
Читайте нас на
Яндекс Новости
ЯДВ
Ил Дархан Айсен Николаев быһа эпиирин кэмигэр киин куорат уонна улуустар олохтоохторуттан доруобуйа харыстабылыгар элбэх ыйытыы киирдэ.

СӨ Доруобуйа харыстабылын министиэристибэтэ, мэдиссиинэ тэрилтэлэрэ хас биирдии ыйытыыны, суругу үөрэттилэр.

Айсен Николаев бэлиэтээн эппитинэн, “Доруобуйа харыстабыла” национальнай бырайыак олоххо киллэриллэн, кыһалҕалаах боппуруос балачча аҕыйаата.

Ол курдук, национальнай бырайыак чэрчитинэн, Саха сиригэр мэдиссиинэ олус элбэх эбийиэгэ үлэҕэ киллэрилиннэ, саҥа эбийиэктэр аныгы тэрилинэн сэбилэннилэр.

Тааттаҕа, Бүлүүгэ, Чурапчыга балыыһа комплекстара үлэҕэ киллэриллэн, олохтоохтор үөрүүлэрэ улахан. Кэнники  сылларга киин куоракка тутуллубут Сүрэх-тымыр киинэ, Онкология киинэ мэдиссиинэ өҥөтө хаачыстыбалаах уонна табыгастаах буоларын мэктиэлиир.

Ил Дархан бэлиэтээбитинэн, билигин ыарыыны эмтииргэ эрэ буолбакка, эрдэттэн сэрэтии үлэтигэр улахан болҕомто ууруллар, биир кэлим үлэ ыытыллар. Ол да иһин, өрөспүүбүлүкэҕэ олох орто уһуна Арассыыйа көрдөрүүтүн куоһарда, суруйда Надежда Егорова, Саха сирэ саайт.

Следите за самым важным и интересным в Telegram-канале и WhatsApp-группе ЯСИА