Саха сирин баһылыга Айсен Николаев иһитиннэрбитинэн, быыбар барыллаан түмүктэринэн өрөспүүбүлүкэҕэ Владимир Путин иһин куоластааһын кыайда. Быыбардааччы 87,79 % лидер туһатыгар куолаһын биэрдэ.
«Саха сирин элбэх нациялаах норуота лидербитин кытта бииргэбитин көрдөрдө. Ол аата биһиги модун державабытын кытта бииргэбит. Саха сирэ куруук Россия эрэллээх тирэҕэ буолара уонна буолуоҕа даҕаны. Кэнники сылларга сайдыыбыт чуолаан Владимир Владимирович өйөбүлүнэн оҥоһулунна. Саха сирин олохтоохторун ааттарыттан махтанабыт — Саха сирин сарсыҥҥытыгар бигэ туруктаахпытыгар!», — диэн суруйда Айсен Николаев телеграм-ханаалыгар.
