21 Тохсунньу 21.01
  • -48°
  • $ 73,82
  • 83,32

“Хотугу синергия” көхтөөх ыччат форума түмүктэннэ

Бүгүн биэс күн устата ыытыллыбыт “Хотугу синергия” диэн олоххо көхтөөх ыччат форума түмүктэннэ.


Форум биир сүрүн хайысхатынан ыччаты көҕүлүүргэ туһуламмыт бырайыагы оҥорон, уопуттаах экспердэр иннилэригэр көмүскээһин буолла. Бырайыактары өрөспүүбүлүкэ араас салааларын миниистирдэрэ, Москваттан уонна Уһук Илин регионтан кэлбит экспердэр ырыттылар.

“Сахаэнерго” акционернай тэрилтэ эдэр исписэлииһэ Василий Шишигин электролиния тирэхтэрэ көннөрү буорга көмүллэр буолан, дьыл уларыйыытын кэмигэр уунан-хаарынан туолан, сытыйалларын бэлиэтиир. Кини бу олохсуйбут үлэни уларытарга этиилээх. Ол курдук остуолбалары дьэбин сиэбэт тимиринэн “таҥастаан” тирэхтиир ньыманы тобулбут. Бу бырайыагын “Мин – инженербин” диэн хайысхаҕа көмүскээтэ. Оттон Нерюнгриттэн киинэ устуутунан дьарыктанан эрэр эдэр предриниматель Алексей Тен кэскиллээх бырайыактары оҥорон грант ыларга анаан кэлэн үөрэннэ. Кини бу маннык тэрээһиннэр ыччакка саҥаны тобуларга олус туһалаахтарын ыйда, — диэн иһитиннэрэр “Хотугу Синергия” пресс-сулууспатын салайааччыта Максим Бравин.

Форумҥа алта хайысханан кэскиллээх бырайыактар көмүскэннилэр.

0
0
21 января 21.01
  • -48°
  • $ 73,82
  • 83,32