17 Тохсунньу 17.01
  • -48°
  • $ 73,82
  • 83,32

“Хоһуун» видеокуонкуруска кыттыҥ!

16:51, 15 февраля 2018
Текст:

Н.Е.Мординов-Амма Аччыгыйа аатынан “Кэскил” оҕо бэчээтин кыһата, республикатааҕы “Чуораанчык”, “Колокольчик” оҕо сурунааллара СӨ ыччат уонна дьиэ-кэргэн министиэристибэтин көҕүлээһининэн Уол оҕо күнүгэр аналлаах “Хоһуун” видеокуонкуруһу биллэрэр.


Дьиэ-кэргэҥҥэ аҕа уол оҕотун кытта олох сатабылыгар: дьиэ ис-тас үлэтигэр, айылҕаҕа–булка, чөл олоҕу тутуһан спордунан дьарыкка, төрүт уус үөрүйэҕэр, уһанар, чочуйар сатабылыгар, күүстээх санаалаах буоларга иитэр үөрүйэҕин үллэстэн аныгы цифровой технологияны туһанан, видео нөҥүө көрдөрөр.

Саамай мындыр аҕа уонна тыыппалаах уол оҕо тэрийэр хамыыһыйа аатыттан күндү бирииһинэн наҕараадаланыахтара, анал суругунан бэлиэтэниэхтэрэ. Сайаапка бланкатын http://www.keskil14.ru. сайтан хачайдаан ылан толорон ону тэҥэ 3 мүнүүтэлээх видеоролигы олунньу 15 күнүттэн кулун тутар 15 күнүгэр диэри kolkonkurs@mail.ru аадрыска ыытаргытын күүтэбит.

0
0
17 января 17.01
  • -48°
  • $ 73,82
  • 83,32