18 От ыйа 18.07
  • 17°
  • $ 88,09
  • 96,3

Джамал Отарсултанов: Виктор Лебедевы Олимпиадаттан туоратыы сыыһа

12:32, 28 июля 2016
Текст:
Читайте нас на
Яндекс Новости
ЯДВ

Аан дойду икки төгүллээх чөмпүйүөнэ Виктор Лебедев 2006 сыллаахха допины туттуу иһин быйылгы Рио-де-Жанейроҕа ыытыллар Олимпийскай оонньуулартан туораттылар. Бу сөбө суох быһаарыытын, Россия сүүмэрдэммит хамаандата Виктор Лебедевы өйүүрүн туһунан «Р-Спорт» агентствотыгар Джамал Отарсултанов эттэ.


Норуоттар икки ардыларынааҕы Олимпийскэй кэмитиэт (МОК) ситэриилээх кэмитиэтэ от ыйын 24 күнүгэр Россия хамаандаларын барыларын Оонньууттан тохтоппот туһунан быһаарыыны ылбыта. Норуоттар икки ардыларынааҕы спортивнай федерациялар ким кыттарын, кыттыбатын бэйэлэрэ быһааралларыгар уурбута. Урукку өттүгэр допины тутта сылдьыбыт спортсменнары Олимпиадаҕа киллэрэри боптулар. Россия Олимпийскэй кэмитиэтин салайааччыта Александр Жуков бэнидиэнньиккэ Лебедев оонньууларга кыттыбатын туһунан эппитэ.

«Бу Витяҕа эрэ буолбакка, биһиэхэ барыбытыгар улахан охсуу. Чахчы, кини 2006 сыллаахха допины тутта сылдьыбыт, оччолорго эдэр этэ, онон итинник сэрэҕэ суохтук быһыыламмыт буолуон сөп. Ол саҕана улахан накаастабыл суоҕа.

Виктор киирсиэхтээх ыйааһыныгар Россияттан ким да кыттыбатын туһунан этэллэр. Бу төрдүттэ сыыһа, тоҕо диэтэххэ, лицензия чопчу биир киһиэхэ анаммат. Витяны аһынабыт, өйүү сатыыбыт«, — диэтэ Джамал Отарсултанов.

«Маннык хаарчахтааһын Россия спортсменнарыгар эрэ буолбакка, Олимпиадаҕа кыттар спортсменнарга барыларыгар, ол иһигэр омуктарга эмиэ оҥоһуллуохтаах«, — диэн Отарсултанов эбэн этэр.

Кини быйылгы Ооньууларга талыыга хапсыбатаҕын да иһин, спорду бырахпатын туһунан агенствоҕа эттэ.

«Доруобуйам, күүһүм-уоҕум баарын тухары тустарбын тохтотуом суоҕа. Аныгыскы оонньуулар, Олимпийскай цикл туһунан этэртэн туттунабын. Мин дьарыктаныам, күрэхтэһиилэргэ кыттыам«, — диир.

Спорт арбитражнай суутугар Саха сирин баһылыга Егор Борисов Виктор Лебедевы Олимпиадаҕа кытыннарары туруорсан үҥсүү киллэрэрин туһунан баара.

«Виктор быйылгы Олимпиадаҕа кыттара дуу, кыттыбата дуу билиҥҥитэ быһаарылла илик. Россияҕа спортивнай тустуу федерациятын, РФ спортка министиэристибэтин таһымнарыгар кэпсэтиһэ сылдьабын. Спорт арбитражнай суутугар үҥсүү киллэриэхпит. Бүтэһигэр диэри киирсиэххэ наада!» — диэн Ил Дархан суруйбут Instagram аккаунугар суруйбут.

Следите за самым важным и интересным в Telegram-канале и WhatsApp-группе ЯСИА