22 От ыйа 22.07
  • 23°
  • $ 88,02
  • 96,04

Дзамболат Тедеев: Лебедев Олимпиадаҕа барыан баҕарар буоллаҕына, эбии дьарыктаныан наада

09:34, 30 мая 2016
Текст:
Читайте нас на
Яндекс Новости
ЯДВ

Көҥүл тустууга Россия сүүмэрдэммит хамаандатын сүрүн тренерэ Дзамболат Тедеев Виктор Лебедевы кытта олохтоох кэпсэтиини ыыппытын туһунан СИА кэрэспэдьиэнигэр эттэ. Маны сэргэ Тедеев бу чемпионакка призердаабыт саха тустууктара аан дойду Кубогар кытталларын иһитиннэрдэ. 


«Билигин тугу эрэ эрдэлээн этиллибэт. Россия чемпионатыгар кыайыы ханнык да спортсмеҥҥа Олимпийскай Оонньууларга кыттыыны сүүс бырыһыан мэктиэлээбэт. Биһиги манна Риоҕа барыыга кандидаттар тустууларын, кэскиллээх тустааччылары көрдүбүт, бэлиэтэннибит«, — диэтэ Дзамболат Тедеев.

«61 кг диэри кыайыылаахтар пьедесталларыгар барыта сахалар тахсыбыттара икки төгүл үөрүүлээх. Бу чемпионатынан сыаналаатахха, Россия сүүмэрдэммит хамаандатын сүрүн бөлөҕө саха тустууктарыттан туруон сөп. Бары чаҕылхайдык туһуннулар. Онон Виктор Рассадин уонна атын призердар аан дойду Кубогар кыттыыны ылыахтара», — диэн бэлиэтээтэ сүрүн тренер.

Дзамболат Тедеев итини сэргэ Саха сирин сүүмэрдэммит хамаандатын хапытаана Виктор Лебедевы кытта кэпсэтиитигэр, спортсмен Риоҕа буолар Олимпиадаҕа кыттыан баҕарар буоллаҕына, эрчиллиитин эбиэн наадатын эппит. «Мин Викторга кыра бырааппар курдук сыһыаннаһабын. Кини аан бастаан аан дойду чемпиона буоларыгар, этэргэ дылы, мин илиибэр сылдьыбыта. Мин кини туһугар олус «ыалдьабын». Кини өссө да эрчиллиэн, эбиниэн наада. Мин хамаанда хас биирдии спортсменын кытта кинилэр туруктарын, баҕаларын уонна тулуурдарын билэр сыаллаах маннык кэпсэтиини ыытабын», — диэн түмүктээтэ Тедеев.

Следите за самым важным и интересным в Telegram-канале и WhatsApp-группе ЯСИА