«Главстрой» тэрилтэ дааннайынан, эбэһээтэлистибэ мэктиэтинэн бэдэрээттиир тэрилтэ көннөрүү үлэтин муус устар 24 күнүттэн саҕалаата.
«Сыыһалар-халтылар көннөрүллэллэр, былаан быһыытынан эбийиэк чөлүгэр түһүөхтээх», — диэтилэр куорат дьаһалтатыгар.
Дьокуускайга Ленин проспегар хапытаалынай өрөмүөн 2021 сылтан ыытыллар, «Безопасные качественные дороги» национальнай бырайыагынан. Эбийиэк уһуна 2,946 км.
