Бэрдьигэстээххэ аны күһүҥҥү булт сезонугар уопсай сиргэ туйахтаах кыылы бултуурга аһаҕас кэпсэтии буолла.
Айылҕа харыстабылын ыстаарсай инспектора Аркадий Михайлов кыһыҥҥы маршрутнай учуот түмүгүнэн, «Охота» федеральнай научнай-чинчийэр киин уопсай сири алта учаастакка араарбытын иһитиннэрдэ.
Сирдэр иэннэринэн тус-туспа быһыллыбыттар. Горнай улууһун булчуттара бу боппуруоһу ырытан көрөн баран, сөбүлэспэттэрин биллэрдилэр. Тустаах салалта хаттаан көрөрүгэр, дьон санаатын истэригэр этиилээхтэр.
Эһиилги булт сезонугар кыһыҥҥы учуот түмүгүнэн, уопсай сиргэ туртаска – 144, тайахха – 67, табаҕа – 59, тыатааҕыга – 26 лицензия көрүлүннэ.
Тыырыллыбыт квотаҕа булчуттар сөбүлэҥнэрин биллэрдилэр, суруйда Вячеслав Алексеев, @silatrudagorny.
