«Дьиэ кэргэн — дьол-таптал уйата» диэн ыҥырыылаах «Саха сирэ» уонна «Якутия» хаһыаттарга 2016 сыл бастакы аҥарыгар сурутуу квитанцияларынан ыытыллыбыт лотереяҕа супер-бирииһи Горнай олохтооҕо, 78 саастаах Дмитрий Иннокентьевич Яковлев ылла.
Кини үөрүүтүн маннык үллэстэр: «»Саха сирэ» хаһыаты 1992 сыллаахтан сөбүлээн ааҕабын. Ордук тыа хаһаайыстыбатын интэриэһиргиибин. Василий Никифоров, Раиса Сибирякова, Елена Потоцкая суруйууларын сөбүлээн ааҕабын. Бэҕэһээ НКИК «Саха» ханаалыгар нууччалыы тылынан таһаарыытыгар истэн, олус соһуйбутум. Үөрдүм ахан. Махтанабын «Саха сирдэригэр». Норуоккутун кытта куруук бииргэ буолуҥ. Биир эмэ оҕобун кытта барыам диэн быһаарынабын».
Оттон сертификаттаах бриллианары Бүлүүттэн В.Н. Васильева уонна Майаттан М.Е. Макарова сүүйдүлэр.
Бириистэр «Дэу Лена» бытовой техника уонна «Виктория» миэбэл салонуттан туруорулуннулар.
Сүүйүүлээхтэр испииһэктэрин «Саха сирэ», «Якутия» хаһыаттар уонна СИА сайтыгар олунньу 25 күнүгэр уонна кулун тутар 3 күнүгэр билсиҥ.
Бириистэри хайдах ыларгытын 42-35-12 эрийэн уонна ysia.ru. сайтыгар билсиэххитин сөп.
