29 Тохсунньу 29.01
  • -48°
  • $ 73,82
  • 83,32

Тулаайахтар Бүлүүтээҕи интэрнээттэрэ -50 кыраадыс тымныыга тоҥор кутталлаах

11:51, 12 декабря 2016

Тулаайах уонна төрөппүт көрүүтэ-харайыыта суох хаалбыт оҕолору көрөр-истэр Бүлүүтээҕи киин салалтата иһитиннэрбитинэн, -50 кыраадыстаах томороон тымныыга оҕолор олорор дьиэлэрин сылааһа 18 кыраадыстан үөһэ тахсыбат. Итии уу букатын да суох. Оҕолор баһыйар үгүстэрэ 4 саастарын туола иликтэр.


Былырыын сэтинньигэ киин тэриллибитэ 85 сылын үбүлүөйдээбит. Бу сыллар усталарыгар 1500 тахса оҕо интэрнээккэ иитиллэн тахсыбыт. Бүгүҥҥү туругунан 35 оҕо баар.

«Биһиги бииргэ төрөөбүттэри араартаабаппыт, ол иһин кинилэр бииргэ олороллор. Оҕолору иитээччилэр көрөллөр«, — диэн СИА-ҕа киин дириэктэрэ Петр Иннокентьев эттэ.

Интэрнээт дьиэлэрэ хаарбах, саахалланар кутталлаахтарын, хапытаалынай өрөмүөн барбатаҕа быданнаабытын кини этэр. Икки дьиэ кэргэн 2007 сыллаахха тутуллубут икки этээстээх дьиэҕэ олороллор. Дьиэ ититэр тиһигэ оҥоһуллубатаҕа ыраатта, инньэ гынан нэһиилэ ититэ турар. 1987 сыллаахха тутуллубут биир эбийиэк хаарбах туруктаах дьиэ туһунан билиниллибитэ ырааппыт.

Быйыл интэрнээт үөрэх министиэристибэтиттэн 56 мөл.солк. субвенция быһыытынан ылбыт, ол эрээри от ыйыгар тахсыбыт уларыйыылар кэннилэриттэн оҕо дьиэлэрэ үлэ, социальнай сайдыы министиэристибэтин салайыытыгар бэриллибиттэр. 8 тэрилтэ «салгыҥҥа ыйанан» турар.

«Докумуонунан үлэ министиэристибэтигэр чопчу киирэрбитин күүтэбит. Бүлүү улууһун дьаһалтата хапытаалынай өрөмүөнү ыытарга көмөлөһөрүгэр көрдөһөбүт. Ону үлэ министиэристибэтигэр, онтон министиэристибэ дьаһалтаҕа төттөрү-таары «тэбиллэ» сылдьабыт. Сэтинньигэ салайааччы Дружинин мунньах ыыппыта, онно көһөрүү тута оҥоһуллубатын эппитэ», — диир дириэктэр.

Оҕолор дьарыктаах буолууларыгар улахан кыһалҕа баар. Икки сыл аннараа өттүгэр  1967 сыллааҕы тутууга үлэлээбит кулуубу саппыттар. Онно оҕолорго анаан библиотека, айар үлэ студията, тренажернай саала үлэлиирэ. Кулууп сабыллыбытын түмүгэр оҕолор дьарыктара барыта быыкаа хоско ыытыллар.

«Иллэҥ кэми туһалаахтык атаарыыга көмө көрдүүбүт. Хонтуораҕа библиотека, муусукаҕа, иискэ үөрэтэр куруһуоктар үлэлииллэр. Үлэ министиэристибэтэ биһиги кыһалҕабытын барытын билэн олорор, ол эрээри харда суох», — диэтэ кини.

0
0
29 января 29.01
  • -48°
  • $ 73,82
  • 83,32