Саха Өрөспүүбүлүкэтин сүрүн трненерэ Владимир Кириллин салалтатынан Красноярскай түһүлгэтигэр тустуохтара:
57 кг диэри ыйааһыҥҥа:
Айхаан Антонов, Ньургун Александров, Дмитрий Аксенов, Эдуард Григорьев, Николай Охлопков, Александр Рассадин, Виктор Рассадин, Арыйаан Тютрин, Владимир Флегонтов, Борис Семенов;
61 кг диэри ыйааһыҥҥа:
Виктор Лебедев, Ньургун Скрябин, Егор Пономарев, Вячеслав Ефремов;
65 кг диэри ыйааһыҥҥа:
Виктор Степанов, Константин Власов;
70 кг диэри ыйааһыҥҥа:
Герман Устинов.
Дьахталларга Нерюнгри тустууга оскуолатын иитиллээччитэ Анастасия Щавлинская 69 кг диэри ыйааһыҥҥа Россия сүүмэрдэммит хамаандатыттан кыттыаҕа.
Бу үгэс буолбут күрэхтэһии түмүгүнэн Европа уонна аан дойду Кубогар кыттар бөҕөстөр сүүмэрдэниэхтэрэ. Ол курдук, кыайыылаахтар кулун тутар 11-13 күннэригэр Ригаҕа (Латвия) буолар Европа чемпионатыгар тустуохтара. Оттон миэстэлэспиттэр бэс ыйын 11-12 күннэригэр Лас-Вагаска (АХШ) ыытыллар аан дойду Кубогар кыттар быраабы ылыахтара.
Санатан эттэххэ, үгэс буолбут «Иван Ярыгин» норуоттар икки ардыларынааҕы турнир быйыл тохсунньу 29-31 күннэригэр Красноярскай куоракка буолар. Олимпийскай сылы аһар түһүлгэҕэ 16 дойду чулуу бөҕөстөрө кытталлара күүтүллэр.
Былырыын саха тустууктарыттан Виктор Лебедев 57 кг диэри ыйааһыҥҥа бастаабыта, Ньургун Скрябин уонна Егор Пономарев боруонса мэтээллэр хаһаайыттарынан буолбуттара.
