21 Тохсунньу 21.01
  • -48°
  • $ 73,82
  • 83,32

"Азия оҕолоро": мэтээл иһин тустуу түмүктэннэ

10:49, 10 июля 2016
Текст:

Спорка бэлэмнэнии киинигэр «Азия оҕолоро» Оонньуу мэтээллэрин иһин киирсии түмүктэннэ. Түмүктүүр көбүөргэ сурдлимпийскай категория спортменнара таҕыстылар.


Сурдлимпийскай хайысхаҕа кыттааччы ахсаана аҕыйах, уолаттар эрэ туһуннулар. Ол иһин күрэхтэһиини эргиир бэрээдэгинэн  ыытарга былааннанна.  Чаҕылхай тустууну ыарахан ыйааһыҥҥа Андрей Винокуров (Саха сирэ) уонна Онза Байыр Тюлюш (Сибиирдээҕи федеральнай уокурук) бастакы миэстэни былдьаһыы иһин көрдөрдүлэр. Винокуров аҕыс баалы сурунан бастакы эргииргэ инникилээтэ, ити эрээри Сибиир бэрэстэбиитэлэ онно бэриммэтэ уонна тэтимин эбэн биэрэн, алта баалы ылла.  Түмүккэ саха бөҕөһө туох баар тургутууну ааһан, Саха сири хамаандатыгар «кыһыл көмүһү» киллэрдэ.

Көҥүл тустуу бүтэһик күнүгэр үс саха бөҕөһө «кыһылы» ыллылар, икки «үрүҥү», уонна үс бөҕөс «боруонсаны». Сибиирдээҕи федеральнай уокурук бэрэстэбиитэллэрэ Сергей Евтюгин (46 кг диэри) уонна Сайин Хертек (50 кг диэри) пьедестал үрдүк чыпчаалыгар таҕыстылар.

Арбитрдар Александр Чуенко уонна Валериҋ Гульчеев Оонньуу бастыҥ судьуйаларынан ааттаннылар. Кинилэргэ көҥүл тустуу Федерациятын вице-президенэ Василий Егоров «Серебряный свисток» наҕарааданы туттарда.

IMG_7621-Copy

Ыйааһыннарынан кыайыылаахтар:

38 кг диэри:

1 м. — Ринат Троев (Саха сирэ);

2 м. — Николай Васильев (Саха сирэ);

3 м. — Георгий Гончаров (СФУо);

42 кг диэри:

1 м — Евгений Мохначевский (Саха сирэ);

2 м — Михаил Трокушев (СФУо);

3 м — Эдуард Гушевицкий (УИФУо);

46 кг диэри:

1 м — Сергей Евтюгин (СФУо);

2 м — Сабыржан Рсалы (Казахстан);

3 м — Тимофей Алексеев (Саха сирэ);

50 кг диэри:

1 м — Сайин Хертек (СФУо);

2 м — Афанасий Петров (Саха сирэ);

3 м — Алексей Васильев (Саха сирэ);

54 кг диэри:

1 м — Андрей Винокуров (Саха сирэ);

2 м — Онза Байыр Тюлюш (СФУо).

3 м — Алексей Кондратьев (Саха сирэ).

0
0
21 января 21.01
  • -48°
  • $ 73,82
  • 83,32