25 Ыам ыйа 25.05
  • -7°
  • $ 104,68
  • 115,6

Амма эдэр быраастара тыыл бэтэрээннэрин олохторун-дьаһахтарын билистилэр

Амма улууһун доруобуйатын харыстабылын эдэр үлэһиттэрэ Улуу Кыайыы 75 сыллаах үбүлүөйүн көхтөөхтүк көрсөллөр. Эмп эйгэтин сайдыытыгар сыраларын биэрбит тыыл бэтэрээннэрин кытта көрүстүлэр. 


Аммаҕа доруобуйа харыстабылын идэлээх сойуустарын иһинэн ыччат сэбиэтэ үлэлиир.  Эдэрдэр балыыһаҕа үлэлээбит тыыл бэтэрээннэригэр сылдьан бэйэлэрин көмөлөрүн оҥордулар.

“Биһиги тэрилтэбитигэр 167 бэтэрээннээхпит, ол иһигэр кииҥҥэ 7 тыыл бэтэрээнэ баар. Кинилэртэн иккитэ билигин Дьокуускай куоракка олороллор, биир стационарга эмтэнэ сытар. Онон дьиэлэригэр баар түөрт бэтэрээҥҥэ сылдьан хаар ыраастаан, бородуукта кэһиилэнэн, кэпсэтэн, туох кыһалҕалаахтарын ыйыталастыбыт. Оттон балыыһаҕа сытар бэтэрээҥҥэ тустаах тэриллэри аҕалан биэрдибит. Сэбиэппит салгыы бу курдук кинилэр баҕа санааларын толорон көмөлөһө туруоҕа”, – диэн этэр балыыһа үлэһиттэрин эдэр ыччатын сэбиэтин бэрэссэдээтэлэ Елена Сергеева.

 

«Амма олоҕо» хаһыат, https://ulus.media/2020/01/24/amma-emchit-ychchata-tyyl-betereenneriger-k-m-o-ordo/

Следите за самым важным и интересным в Telegram-канале и WhatsApp-группе ЯСИА
0
0