Ил Дархан Айсен Николаев Александр Акимовы кытары көрсөн, Александр Константиновичка өр сыллаах көдьүүстээх үлэтин иһин махтанна, Саха сирэ суруйар.
Кини Александр Акимов өрөспүүбүлүкэҕэ Арктика улуустара сайдыытыгар кылаатын бэлиэтээтэ. Чуолаан, хотугу сиргэ таһаҕаһы тириэрдии туһунан сокуон бырайыагын оҥорууга кыттыбыта. Бырайыак судаарыстыбаннай тэрээһиннэр кыттыылаахтарын сыһыаннарын бэрээдэктээбитэ уонна бастакы уочаратынан тириэрдиллиэхтээх таһаҕастары быһаарбыта. Саха сирин өттүттэн киирбит элбэх этии сокуон оҥоһулларыгар учуоттаммыта.
СӨ Ил Дарханын уонна бырабыыталыстыбатын пресс-сулууспатын матырыйаалынан
