«Враги по крови» кэмиэдьийэ блокбастера 2020 сылга Саха сиригэр прокакка тахсар бастакы хартыынанан буолуоҕа. Игирэ бырааттыылар утарыта турсууларын олунньуга көрүөхпүт. Сүрүн оруолу биллэр саха вайнера Алексей Михайлов толоруоҕа.
Кэмиэдьийэҕэ игирэ уолаттар Мотуор уонна Өттүк Леха киирсиилэрэ көстүөҕэ. Кинилэр олохторо оҕо сылдьан арахсыбыт. Икки оруолу Алексей Михайлов тэҥинэн оонньуур. Кини Instagram сирэйигэр кэпсииринэн, игирэлэри кадрга тэҥинэн оонньуур ыарахаттардааҕа, ити эрээри устар бөлөх туруоруллубут соругу толорбут.
«Киинэҕэ элбэх юмор баар буолуоҕа. Араас локация уонна кытаанах экшн: охсуһуу, эстии, бөртөлүөтүнэн көтүү, хараабыл, ытыалаһыы. Биллэр артыыстар, блогердар, вайнердар оонньууллар», —диир сүрүн оруолу оонньооччу.
