«Золотой ворон» VIII Арктикатааҕы норуоттар ардыларынааҕы киинэ бэстибээлэ Анаадырьга муус устар 15 күнүгэр арылынна. Манна саха режиссера Михаил Лукачевскай «Там, где танцуют стерхи» киинэтэ премьералаата.
Быйылгы бэстибээлгэ муҥутуур элбэх сайаапка киирдэ — 126 дойдуттан 3600, тэрийээччилэр эттилэр.
«Там, где танцуют стерхи» хартыынаны продюсер Семен Аманатов көрдөрдө.
Михаил Лукачевскай үлэтин сэргэ бэстибээлгэ кытталлар: толору метражтаах лиэнтэҕэ — «Кочевье» киинэ, режиссер Варвара Кулаковская Томпо улууһун Тополиное сэлиэнньэтин ыала Варвара уонна Дмитрий Стручковтар көс олохторун туһунан устуута; кылгас киинэҕэ — режиссер Анатолий Сергеев «Возвращение» («Төннүү») киинэтэ. Анимация бырагырааматыгар: «Тундра» устуудьуйа «Бык холода» уонна «Муҥха» ойуулуктара. Регионнар ардыларынааҕы «Киновзлёт!» анал куонкуруска Айаал Адамов «Айыы Куо» үлэтэ тургутууну ааһыаҕа.
