Дьокуускайга Паралимпийскай оонньуулар үрүҥ көмүс призердара, аан дойду уонна Европа чемпионката, РФ спортка үтүөлээх маастара Анастасия Диодорова олоҕун туһунан киинэ устуута саҕаланна.
«Против течения. Диодоровы» киинэ артыыстара дьоһуннаах састаабынан толоруллар. Дьокуускайга театр уонна киинэ артыыһа Татьяна Арнтгольц кэллэ, кини спорсменка тренерин оонньуур.
Арнтгольц №2-дээх өрөспүүбүлүкэтээҕи балыыһаҕа бастакы уһуллуутун ааста. Кулун тутар 18 күнүгэр салгыы «Чолбон» бассейнҥа үлэлиэхтэрэ.
Киинэ Анастасия олимпиада иннинээҕи кэмигэр олоҕурар, 2003 сылга: биир сылынан кини Афиныга бастакы путевкатын тутар.
Режиссер Сандал Баишев.
