12 От ыйа 12.07
  • 22°
  • $ 87,99
  • 95,68

Яков Стахов куотуо суох буолан хаайыыттан таҕыста

15:01, 01 ноября 2016
Текст:
Читайте нас на
Яндекс Новости
ЯДВ

Саха сирин Ис дьыалаҕа урукку миниистирэ Яков Стахов өрөспүүбүлүкэ тас өттүгэр тахсыбат туһунан илии баттаан хаайыыттан таҕыста. Силиэстийэ кини уорганнарга бэйэтэ кэлбитин, буруй быһыытын-майгытын сиһилии кэпсээбитин уонна онно билиммитин ааҕыста. Ити туһунан Силиэстийэлиир кэмитиэт Саха сиринээҕи управлениетын пресс-сулууспатыгар эттилэр.


Яков Стахов дуоһунаһы туһаныы иһин РФ ХК 285 ыстатыйатын 2 чааһынан буруйданар.

Силиэстийэ биэрсийэтинэн, 2007 сыллаахха Стахов хадаатайыстыбатынан «АЛРОСА» ААО ИДьМ спонсорскай көмө быһыытынан икки массыынаны биэрбит.

Биир массыына быраабы араҥаччылыыр уорганнар балаансаларыгар киирбит, оттон «Мерседес» массыынаны Стахов аймаҕын бас билиитигэр биэрбит.

2012 сыл олунньутугар урукку миниистири силиэдэбэтэлгэ ыҥырбыттар. Онуоха кини куотан хаалбытын иһин норуоттар икки ардыларынааҕы көрдөөһүҥҥэ биэрбиттэр. Ол иһин кинини хаайарга силиэдэбэтэл хадаатайыстыбатыгар суут сөбүлэҥин биэрбит.

Стахов 2016 сыл алтынньы 12 күнүгэр барыллааһын силиэстийэ уорганыгар кэлбит. Силиэстийэ кэмигэр холуобунай дьыаланы тэрийиигэ сөптөөх туоһу хомуллубут.

Следите за самым важным и интересным в Telegram-канале и WhatsApp-группе ЯСИА