Бэҕэһээ, алтынньы 9 күнүгэр, Дойду үрдүнэн ааҕыы күнэ бэлиэтэммитэ. Ол чэрчитинэн Уус Алдан улууһун Кэптэни бөһүөлэгэр Туйаара Борисова салайааччылаах «Ааҕар Лөгөй сирэ» түмсүү Саха Норуодунай суруйааччыта Николай Гаврильевич Золотарев – Николай Якутскай «Төлкө» айымньытын дорҕоонноохтук ааҕан саҕалаата, НВК Саха телеграм-ханаал суруйар.
Түмсүү суруйааччы 115 сааһын туолар үбүлүөйдээх күнүгэр анаан элбэх интириэһинэй, бөһүөлэк олохтоохторун барытын хабар тэрээһиннэри бэлэмнии сылдьар.
Хас биирдии саха ыала төрүт ааҕыыны үтүө үгэскэ кубулуттаҕына сахабыт тыла сүтүө-симэлийиэ суоҕа диэн санааларын үллэстэллэр.
